To bichja' nhen to beza'
To konhej daw dzeba dzawba, ka bxhin to be’za gole. La dzejte be’zan gawba konhej daun. Nha konhej la wneteba , nha wnhaba
_Bi gago nheda no, na tek chejxhia yetxtil gago.
_Wakse cha, nha nhidze kuedza lue. _wnha be’za golhen_
La bshitete konhejen, nha bedsaba.
Nha wdse' beza golhen dzbesba bichja' dawn. Ba gok xcha ka gokbelba dek bxhiyel bichja' dawn leba. Bkuideldsga ba, nha bedsoxhaba, nha bdsolawba dzeyiljba bichjan yeto.
Lhate dse gok ka bedilgakba yeto.
_Nasi gawalue, bi kweza siyelhonta. _Dzakstse bezan_
_Wleska, wleska, wleska late _wnha bichja' dawn, la be dzenteba xtixhaba, nha dsaktseba:_
_Chogon to yo’ la yelhate benen golchagnha gak nha gata to lnin, nha gake weya', nha leska gatadzga da gawdzo. Nhi wse’ chak chejxhia bso’ nhen 'tej' da gokuadzo lo yo. Wa nhi de to ya’ wekuexh, bsolautega bkuexh to son chak yelha.
_ Wakse cha _wnha be’zan. Nha wsolhauba dzkeuxhba to son xtil, to son tse weya ponet.
_ Nha basa cha’ chejxhika bso nhen teg ka_ wnha bichja', nha bexhonjba yeto.
Nhot nho bene bchagna.Bibi lnin gok, nha bibi yelawago gota. Blokteks be’za golhen yeto ka gokbelba dek wxhilhe bichjan leba dayoble_ Nha dsaktseba_
_Ka te yedila bichja' nagh ton nhi, la xhobtia nhagba , nha la gawtiaba, _dzaktzeba, nha besolawba dzeyiljba leba yeto.
Ka tbio bde ka bedeilba leba yeto. La bxhiteteba, gexhoba nhag bichja' dawn.
_Wleska, wleska, bicha _dzakstse nhag ton dawn_
_ Batze wxhia to kes tsio, 'per' nha ka bdia lo yegon blaxhon. Lo yego nha yon na'; chalyeklo tsiyeslhalhuen. Nha yonhe cho chejyuaka che bi dzjlio.
_ Nakxhla gona yedzojena, bi dsaka yexhua lo yego _ dzakstse beza golhen.
_ Dakanxhedzen lho _dzakstse bichja'
_ Cho’ wtach nhis yegon, nha towlhase keson ye dzojen. Wnha konhej dawn_
Nha wsolaugakba dzejgakba nhisen.
_ Chowlaxhedze btachen, nha basa’ ye choxh_ goxh bichja' dawn beza golhen, nha besaba’
Nha began bezan dzejba nhis yegon. Bedo yelh dsejba, dzejbanisen... nhdsle bxen xpich ba golhe, bxen dzgan da xhengolhe btin ke lheban. Nhadze got 'proben'. Yego nha bdeb leba.
Nha belha bichja' dawn.
Amador Teodocio
Adaptación al Zapoteco de Betaza
Mayo 2007
To konhej daw dzeba dzawba, ka bxhin to be’za gole. La dzejte be’zan gawba konhej daun. Nha konhej la wneteba , nha wnhaba
_Bi gago nheda no, na tek chejxhia yetxtil gago.
_Wakse cha, nha nhidze kuedza lue. _wnha be’za golhen_
La bshitete konhejen, nha bedsaba.
Nha wdse' beza golhen dzbesba bichja' dawn. Ba gok xcha ka gokbelba dek bxhiyel bichja' dawn leba. Bkuideldsga ba, nha bedsoxhaba, nha bdsolawba dzeyiljba bichjan yeto.
Lhate dse gok ka bedilgakba yeto.
_Nasi gawalue, bi kweza siyelhonta. _Dzakstse bezan_
_Wleska, wleska, wleska late _wnha bichja' dawn, la be dzenteba xtixhaba, nha dsaktseba:_
_Chogon to yo’ la yelhate benen golchagnha gak nha gata to lnin, nha gake weya', nha leska gatadzga da gawdzo. Nhi wse’ chak chejxhia bso’ nhen 'tej' da gokuadzo lo yo. Wa nhi de to ya’ wekuexh, bsolautega bkuexh to son chak yelha.
_ Wakse cha _wnha be’zan. Nha wsolhauba dzkeuxhba to son xtil, to son tse weya ponet.
_ Nha basa cha’ chejxhika bso nhen teg ka_ wnha bichja', nha bexhonjba yeto.
Nhot nho bene bchagna.Bibi lnin gok, nha bibi yelawago gota. Blokteks be’za golhen yeto ka gokbelba dek wxhilhe bichjan leba dayoble_ Nha dsaktseba_
_Ka te yedila bichja' nagh ton nhi, la xhobtia nhagba , nha la gawtiaba, _dzaktzeba, nha besolawba dzeyiljba leba yeto.
Ka tbio bde ka bedeilba leba yeto. La bxhiteteba, gexhoba nhag bichja' dawn.
_Wleska, wleska, bicha _dzakstse nhag ton dawn_
_ Batze wxhia to kes tsio, 'per' nha ka bdia lo yegon blaxhon. Lo yego nha yon na'; chalyeklo tsiyeslhalhuen. Nha yonhe cho chejyuaka che bi dzjlio.
_ Nakxhla gona yedzojena, bi dsaka yexhua lo yego _ dzakstse beza golhen.
_ Dakanxhedzen lho _dzakstse bichja'
_ Cho’ wtach nhis yegon, nha towlhase keson ye dzojen. Wnha konhej dawn_
Nha wsolaugakba dzejgakba nhisen.
_ Chowlaxhedze btachen, nha basa’ ye choxh_ goxh bichja' dawn beza golhen, nha besaba’
Nha began bezan dzejba nhis yegon. Bedo yelh dsejba, dzejbanisen... nhdsle bxen xpich ba golhe, bxen dzgan da xhengolhe btin ke lheban. Nhadze got 'proben'. Yego nha bdeb leba.
Nha belha bichja' dawn.
Amador Teodocio
Adaptación al Zapoteco de Betaza
Mayo 2007
No hay comentarios:
Publicar un comentario